Sinniisoqarfimmiit ukiumoortumik nalunaarusiat

Sinniisoqarfimiit ukiumoortumik nalunaarusiat

- suliani aalajangiiffigineqartuni agguaqatigiissillugu suliarinninneq (Inunnut ilaqutaiinnullu il.il.). Sinniisoqarfiup suliamik suliarinninnermut piffissaliussai.

Suliani aalajangersimasuni sulianik suliarinnittarneq 
Kalaallit Nunaanni Naalagaaffiup sinniisoqarfia suliassat ilaattut, suliassaqarfinni suliat aalajangersimasut Namminersorlutik Oqartussanit suli akisussaaffigilerneqarsimanngitsut suliaqartarpoq.

Kalaallit Nunaanni Naalagaaffiup Sinniisoqarfiata suliassaasa ilaat:

• Inuit aamma ilaqutariit inatsiseqartitaanerannut suliassaqarfimmi suliaqarneq.
• Nammineq aningaasartuutiginngisamik eqqartuussivilersuussinermik suliat.
• Nunani avannarlerni innuttaassuseqartunut innuttaasutut pisinnaatitaaffinnik sulianik suliarinninneq.
• Inersimasutut piginnaalersimanngitsut aningaasaataannik nakkutilliineq.
• Inunnik nalunaarsuinermut tunngatillugu kommunit aalajangiinerinut tunngatillugu maalaarutinik oqartussatut atuuffik.
• Allagaatinik inatsisitigut atuutsitsilernermut tunngatillugu sulianik isumaginninneq.

Tamatuma saniatigut Naalagaaffiup Sinniisoqarfiata innuttaasut aamma oqartussaqarfiit inunnut ilaqutariinnullu inatsiseqartitsinermik suliassaqarfimmi sulianik suliarinninnermi siunnersuisarpoq, taamatullu Naalagaaffiup Sinniisoqarfiata Kalaallit Nunaanni Qitornavissiartaartarneq pillugu Siunnersuisoqatigiit allattoqarfittut sullippai.

Ukiumut nalunaarusiaq una suliani aalajangersimasuni Naalagaaffiup Sinniisoqarfiani 2025-mi sulianik suliarinnittarnerup ineriartornera pillugu paasissutissanik imaqarpoq, aalajangiinerit amerlassusaat aamma sulianik suliarinninnermi piffissaq atorneqartoq ilanngullugit.

Uani ataani ukiumut nalunaarusianut 2024-mut aamma 2025-mut linkit nassaarisinnaavatit.